这是一篇转的粤语帖子，看不明白的可以找翻译
好多女仔都会担心第一次上男朋友屋企吃饭，点样先可以留个好印象～
根据我自己同埋我几个F 的经历，我总结咗一下～
唔知岩唔岩，大家多多包涵～～
1、着装，唔好着得太暴露，太IN，又唔好着到太靓妹，又唔好太正式喔，净色深色比较好，裙同裤都OK～要方便活动～同埋自己舒服，你都唔想着成日系人地面前整下对鞋，搞下条带，戚下条裤咁架～淡妆，越淡越好啦～（去吃餐饭，唔好搞得太正式～因为人地爸爸妈妈系屋企可能都好casual~如果你太正式，就唔系太好了～）
2、唔好较到正，就来吃饭先去，早一个半钟或者一个钟去，去到一般都系煲紧汤，或者妈妈去咗买菜之类～咁咪可以参观下，系男朋友房都坐下咯～（当然，如果爸爸或者其他屋企人系到，就梗系要坐低聊下啦～）
3、饭前，饭前半个钟，一般都开始煮饭啦～咁就要主动入厨房，睇下有咩可以帮手啦～一般屋企人都会话，唔使啦，出去坐啦～咁呢个时候，就又有选择啦～
3．1、 如果自己系煮得两味，或者经常系屋企有帮手煮饭嘅，咁就唔好出去啦，留下厨房帮人地妈妈，打下下手，切下菜，洗下野咁～
3．2、如果系屋企系未做过嘅～咁样就唔好勉强留低啦，宁愿出去同爸爸倾计好过～（同爸爸倾计难度相对细D，因为一般爸爸都系好求其嘅，个女仔唔系太差就得啦～）
不过我都系比较推荐去入面帮妈妈～因为如果爸爸挂住睇报纸，睇电视，或者搞其他野，唔得闲理你，又或者同爸爸没咩话题，咁你就会超级无聊，唔知有咩做啦～仲会好唔自然添～
4、吃饭，帮手开台，上菜～如果之前没去厨房帮手，咁呢个时候就一定要做啦～，入厨房睇下有咩可以帮手～（如果之前未做过，就真系要系自己屋企练习下先，唔好越搞越wor~）
5、吃饭中，唔好唔出声，头dup dup～又唔好太兴奋，搞到爸爸妈妈没得插嘴，话题可以讲下同对方父母职业相关的事～或者兴趣爱好咁咯～（或者一般同爸爸就讲下事实政治，同妈妈就讲师奶话题咯～可以先同自己父母或男朋友了解下，目前距地关心咩问题～）
6、饭后，等大家都吃完饭之后，主动执碗，洗碗～就算人地妈妈点样话，“唔使啦，你坐啦～” ，都唔好走出厨房～最多同妈妈一齐洗～切记唔可以笨手笨脚～唔系妈妈就真系想你出去架啦～（如果之前真系未做过，咁就唔好勉强留啦，执完碗，人地妈妈叫你出去坐，你就乖乖出去坐啦～）
7、咩都搞掂晒之后，一般就系吃下水果，或者一家人坐埋睇电视，呢个时候可以讲系无聊时间啦～
如果之前吃饭个时好多野讲，就梗系可以继续啦～咁就当然唔受时间限制啦。
咁如果之前大家都唔系太多野讲嘅，咁男朋友就要救场啦，之前同男朋友讲好，如果出现冷场，就要距救场～
呢度教各位男仔一招救场必杀技——睇相～～
如果实在没野讲，男仔可以去将自己细个嘅相（BB，幼儿园，小学…）罗出来，同女仔，同爸爸妈妈一齐睇～然后女仔可以就相的内容（时间，地点…）发问，男仔就将个问题抛俾爸爸妈妈，自己不时插两句，咁就大家乐也融融啦～～（女仔又唔好张张相都问，而且期间如果撩起新的话题，可以继续，唔一定要focus on photo,直到新话题结束，没野讲啦，可以再继续睇相～）
咁样点都好过大家坐系到斋睇电视唔出声～
8、离开，一般吃完晚饭，都系7点几8点左右啦，咁坐到8点几9点就差唔多啦。（最迟唔好超过10点半，因为好多夜班车收啦，就算男仔有车，都唔好太夜～）
无论气氛好唔好，都唔好太夜走，唔单只系你一个女仔咁夜番屋企，人地妈妈都唔放心个仔仔送完你之后，咁夜自己番来～（无论几大，系阿妈心目中，几时都系小朋友～阿妈始终都唔中意男仔太夜番）
9、如果系大家出街吃，咁就舒服好多啦，记得斟茶就得啦～不过出去吃饭，一般时间就比较耐了～
走个时，个个爸爸妈妈都会话，下次再来玩啦～其实一般都系客套下遮～（除非当晚气氛好好啦）
真正中意你嘅话，就应该会过一排再叫你去吃饭，或者一齐出来饮茶，一齐参加其他亲戚的饭局～
呢个都系一般广州家庭的情况～唔排除有部分富裕屋企，或者爸爸妈妈有不同的情况及谂法～，不过我谂我讲呢D，应该都系大部分广州普通家庭嘅情况挂～